Čovek kaj nikaj nema
Sivi oblak smrdljivoga baguša,
Ta megla živa skriva šepavi hod,
Čuješ dok struže ta žalosna duša
Po dnu živlenja, kak potonuli brod.
Od jutra do večera krajcarov most,
Plemeniti kaj daju kakti za kruh,
Zajtrek je gozba, se drugo je post,
Telo betežno, a neskvareni duh.
Celo živlenje z biciklinom rivle,
Teret sveti, sloboda i rogožar...
Dok se ne vgasi sam, falu zazivle,
Do onda ga čuva nevidni stražar.